Transformers fans notice Peter Cullen's death date matches Optimus Prime's final moment

Transformers චිත්‍රපටයේ Optimus Prime මියයන ජවනිකාව සිදු වන කාලය 00:26:08 වන අතර Peter Cullen අභාවප්‍රාප්ත වූ දිනය 08/26/26 අහම්බයක් මෙන් සමාන වෙයි.

දශක 4 කට වැඩි කාලයක් පුරා Transformers සජීවිකරණ සහ චිත්‍රපට මාලාවන්හි Optimus Prime චරිතය වෙනුවෙන් සිය අද්විතීය හඬ දායකත්වය ලබාදුන් ප්‍රවීණ හඬ නළු Peter Cullen පසුගිය අගෝස්තු 26 වනදා (08/26/26) අභාවප්‍රාප්ත වූ අතර, ඔහුගේ අභාවය සිදු වූ දිනය සහ Optimus Prime චරිතයේ මරණය අතර පවතින සුවිශේෂී සමානකමක් රසිකයින්ගේ දැඩි අවධානයට ලක්ව තිබෙනවා.

1986 වසරේ තිරගත වූ The Transformers: The Movie සජීවිකරණ චිත්‍රපටය තුළ Megatron සමඟ ඇතිවන දරුණු සටනින් අනතුරුව Optimus Prime මියයන ජවනිකාව සිදු වන්නේ චිත්‍රපටයේ හරියටම 00:26:08 වන මිනිත්තුවේදී වීම විශේෂත්වයක්. Peter Cullen අභාවප්‍රාප්ත වූ දිනය (08/26/26) සහ මෙම ජවනිකාව සිදු වන කාල රාමුව (00:26:08) අතර ඇති මෙම පුදුම සහගත අංකමය ගැලපීම සම්බන්ධයෙන් Transformers රසිකයින් අන්තර්ජාලය තුළ දැඩි සංවේගයෙන් යුතුව අදහස් පළ කර තිබෙනවා.

මියයන විට 85 හැවිරිදි වියේ පසුවූ Peter Cullen, 1984 වසරේදී ආරම්භ වූ මුල්ම සජීවිකරණ කතා මාලාවේ සිට Optimus Prime වෙනුවෙන් ජීවය එක් කළ අතර, “Be strong enough to be gentle” යන්න ඔහුගේ ප්‍රධාන ජීවන ආදර්ශ පාඨය වුණා. ඔහුගේ අවසන් හඬ කැවීම් දායකත්වය ඇතුළත් විනාඩි 12 ක Optimus Prime: Awakening කෙටි සජීවිකරණ නිර්මාණය, 1986 The Transformers: The Movie චිත්‍රපටයේ 40 වන සංවත්සරය වෙනුවෙන් මේ මස අගදී සිනමාහල් වෙත නිකුත් කෙරෙන විශේෂ ප්‍රදර්ශනය සමඟින් ප්‍රේක්ෂකයින් වෙත ගෙන ඒමට නියමිතයි.