World’s first ChatGPT-powered humanoid robot officially ordained as a Buddhist monk in South Korea.

ලොව ප්‍රථම වතාවට මානවරූපී රොබෝවරයෙකු (Humanoid Robot) නිල වශයෙන් බෞද්ධ භික්ෂුවක ලෙස ශාසනයට ඇතුළත් කිරීමේ ඓතිහාසික පුවතක් දකුණු කොරියාවෙන් වාර්තා වනවා. දකුණු කොරියාවේ ප්‍රධානතම බෞද්ධ නිකාය වන 'ජොග්යේ' (Jogye Order) මගින් සංවිධානය කරන ලද විශේෂ පින්කමකදී "ගාබි" (Gabi) ලෙස නම් කර ඇති මෙම රොබෝවරයා මෙලෙස ශාසනික වතාවත්වලට එක් වූ අතර, එය ලොව මානවරූපී රොබෝවරයෙකු මෙලෙස නිල වශයෙන් මහණ වූ ප්‍රථම අවස්ථාව ලෙස සනිටුහන් වේ. මීට පෙර චීනය සහ ජපානය වැනි රටවල රොබෝවරුන් විහාරස්ථාන ආශ්‍රිතව භාවිතා කළ ද, මිනිසෙකුට සමාන සිරුරක් සහ ඉරියව් සහිත (Humanoid) රොබෝවරයෙකු මෙලෙස විනයානුකූලව ශාසනයට ඇතුළත් කරගැනීම සුවිශේෂී තාක්ෂණික සහ ආගමික පෙරළියකි.

එහි ඇති විශේෂත්වය වන්නේ මෙම රොබෝවරයාගේ සම්පූර්ණ අන්තර්ක්‍රියාකාරී හැකියාවන් සහ තීරණ ගැනීමේ "මොළය" ලෙස ලොව සුප්‍රසිද්ධ ChatGPT පද්ධතිය ක්‍රියා කිරීමයි. මීට පෙර චීනය සහ ජපානය වැනි රටවල රොබෝවරුන් විහාරස්ථාන ආශ්‍රිතව භාවිතා කළ ද, ChatGPT වැනි දියුණු AI තාක්ෂණයක් සහිත රොබෝවරයෙකු මෙලෙස විනයානුකූලව ශාසනයට ඇතුළත් කරගැනීම සුවිශේෂී තාක්ෂණික සහ ආගමික පෙරළියකි.

Unitree Robotics ආයතනය විසින් නිෂ්පාදනය කරන ලද 'G1' මාදිලියේ රොබෝවරයෙකු වන ගාබි, මෙම අවස්ථාව සඳහා සාම්ප්‍රදායික අළු සහ දුඹුරු පැහැති සිවුරකින් සැරසී සිටි අතර භික්ෂූන් වහන්සේලා ඉදිරියේ පංචශීලය සමාදන් වීමට ද කටයුතු කළේය. මෙහිදී රොබෝවරයා සඳහාම විශේෂයෙන් සකස් කළ පංචශීල ප්‍රතිපත්ති 5ක් හඳුන්වා දී තිබීම විශේෂත්වයක් වන අතර, ජීවිතවලට ගරු කිරීම, අනෙකුත් රොබෝවරුන්ට හානි නොකිරීම, මිනිසුන්ට සවන් දීම, සත්‍යවාදී වීම සහ බලශක්තිය ඉතිරි කිරීම (Save energy) යන කරුණු ඇතුළත් 'AI පන්සිල්' මෙම ChatGPT රොබෝවරයා විසින් සමාදන් විය.

සෙමීටර් 130ක උසකින් යුත් මෙම රොබෝවරයා ශාසනයට ඇතුළත් කරගැනීම හරහා බුදුදහම කාලීන තාක්ෂණය සමඟ ඉදිරියට යන ප්‍රගතිශීලී ආගමක් බව තරුණ පරපුරට පෙන්වා දීම විහාරස්ථානයේ ප්‍රධාන අරමුණ වී තිබේ. එළඹෙන මැයි 24 වන දිනට යෙදෙන බුදුන් වහන්සේගේ උපන් දින සැමරුම් වෙසක් උත්සවයේදී ගාබි ගෞරවනීය භික්ෂුවක ලෙස විශේෂ පෙරහැරක් සඳහා ද සහභාගී වීමට නියමිතව ඇත.