Avengers: Endgame reclaims crown as highest-grossing film of all time

Avatar වසර 5ක් තබා තිබූ වාර්තාව බිඳ දමමින් Avengers: Endgame නැවතත් සිනමා ඉතිහාසයේ වැඩිම ආදායමක් ඉපැයූ චිත්‍රපටය බවට පත් වෙයි

Avatar චිත්‍රපටය වසර 5ක් පුරා තබා තිබූ වාර්තාව බිඳ දමමින් සිනමා ඉතිහාසයේ වැඩිම ආදායමක් ඉපැයූ චිත්‍රපටය ලෙස කිරුළ නැවත වරක් තමන් සතු කරගැනීමට Avengers: Endgame සමත් වී තිබෙනවා. පසුගියදා Disney සමාගම විසින් Avengers: Endgame Encore නමින් මෙය යළිත් ප්‍රදර්ශනය කළ අතර, ඒ සමඟින් මෙහි සමස්ත ආදායම ඇ.ඩො. බිලියන 2.925 දක්වා ඉහළ ගියා. එය ඇ.ඩො. බිලියන 2.923 ක ආදායමක් ලබා සිටි Avatar චිත්‍රපටයේ වාර්තාව අභිබවා යාමක්.

ඉදිරියේදී තිරගත වීමට නියමිත Avengers: Doomsday චිත්‍රපටය වෙනුවෙන් ප්‍රේක්ෂකයින් දැනුවත් කිරීමට නව දර්ශන සමඟින් මෙය නැවත නිකුත් කෙරුණු අතර, ආරම්භක සතියේම ඇ.ඩො. මිලියන 86 ක ආදායමක් ඉපැයුවා. මීට පෙර 2019 වසරේදී ද Endgame මෙම වාර්තාව පිහිටුවූ නමුත් 2021 සහ 2022 වසරවල Avatar නැවත තිරගත කිරීම් හරහා යළිත් ලෝක වාර්තාව තමන් සතු කරගෙන තිබුණා.

මේ වන විට වැඩිම ආදායම් ලැබූ චිත්‍රපට ලැයිස්තුවේ තෙවන ස්ථානය ඇ.ඩො. බිලියන 2.49 ක් සමඟින් Spider-Man: Brand New Day හිමිකරගෙන ඇති අතර, සිව්වන ස්ථානය ඇ.ඩො. බිලියන 2.33 ක් ලබාගත් Avatar: The Way of Water සතු වනවා.