Drishyam 3 crosses ₹500 crore worldwide and becomes highest-grossing film in franchise

Ajay Devgn රංගනයෙන් දායකවන Drishyam චිත්‍රපට මාලාවේ හින්දි ප්‍රතිනිර්මාණය වන Drishyam 3: The Conclusion චිත්‍රපටය ඉන්දීය රුපියල් කෝටි 500 ක ආදායම් සීමාව පසු කර තිබෙනවා. මෙය සමස්ත Drishyam චිත්‍රපට මාලාවේ වැඩිම ආදායමක් ලැබූ චිත්‍රපටය මෙන්ම Ajay Devgn ගේ සිනමා ජීවිතයේ වැඩිම ආදායමක් ලැබූ චිත්‍රපටය ලෙසද වාර්තා වෙනවා.

Abhishek Pathak ගේ අධ්‍යක්ෂණයෙන් ඔක්තෝබර් 2 වැනිදා තිරගත වීම ආරම්භ වූ මෙම තෙවැනි චිත්‍රපටය දින 14 ක් තුළ සමස්ත ආදායම ඉන්දීය රුපියල් කෝටි 527 ක් උපයාගෙන තිබෙනවා. ඒ අතරින් ඉන්දියාව තුළ කෝටි 333.5 ක් ද, විදෙස් රටවලින් ලැබුණු ආදායම කෝටි 130 ඉක්මවා තිබෙනවා.
මෙම චිත්‍රපටය මෙයට පෙර තිරගත වූ Drishyam සහ Drishyam 2 චිත්‍රපටවල ජීවිත කාලය පුරාම ලැබූ ආදායම් වාර්තා පහසුවෙන්ම අභිබවා ගොස් ඇති අතර, චිත්‍රපට 110 කට රංගනයෙන් දායක වූ Ajay Devgn ගේ සිනමා ඉතිහාසයේ රුපියල් කෝටි 500 සීමාව පසු කළ පළමු චිත්‍රපටය ලෙසද ඉතිහාසයට එක්වෙනවා.

2026 වසරේ දෙවනියට වැඩිම ආදායමක් ලබාගත් හින්දි චිත්‍රපටය සහ 2026 වසරේ දෙවනියට වැඩිම ආදායමක් ලබාගත් ඉන්දීය චිත්‍රපටය ලෙසත්, දේශීය වශයෙන් වැඩිම ආදායමක් ලැබූ 15 වැනි හින්දි චිත්‍රපටය ලෙසත් වාර්තා අතරට එක්වෙමින් තවදුරටත් සිනමාශාලා තුළ සාර්ථකව තිරගත වෙමින් පවතිනවා. එමෙන්ම මුල් මලයාලම් චිත්‍රපට මාලාවේ කොටස් 4 ක් නිර්මාණය වුවද, හින්දි චිත්‍රපට මාලාවේ කතාව මෙම තෙවැනි කොටසින් අවසන් කර තිබීම විශේෂත්වයක්.