Black Panther star Chadwick Boseman passed away 6 years ago today

Marvel සිනමා විශ්වය තුළ Black Panther චරිතයට පණපොවමින් ලොව පුරා ප්‍රේක්ෂකයින්ගේ දැඩි ආදරය දිනාගත් අතිශය ජනප්‍රිය Hollywood රංගන ශිල්පී Chadwick Boseman අභාවප්‍රාප්ත වී අදට (අගෝස්තු 28) හරියටම වසර 6 ක් සපිරෙනවා. 2020 වසරේ අගෝස්තු 28 වනදා මියයන විට ඔහුගේ වයස අවුරුදු 43 ක් වූ අතර, වසර ගණනාවක් පුරා රහසිගතව පිළිකා රෝගයක් (Colon cancer) සමඟ සටන් කරමින් සිටියදී ඔහු මෙලෙස අකාලයේ ජීවිතක්ෂයට පත් වුණා.

2016 වසරේදී Captain America: Civil War චිත්‍රපටය හරහා Black Panther ලෙසින් මුල්වරට ප්‍රේක්ෂකයින් හමුවට පැමිණි ඔහු, ඉන් අනතුරුව 2018 වසරේ තිරගත වූ Black Panther චිත්‍රපටය හරහා අතිවිශාල ජනප්‍රියත්වයක් හිමිකර ගැනීමට සමත් වුණා. ඊට අමතරව Avengers: Infinity War සහ Avengers: Endgame වැනි දැවැන්ත චිත්‍රපට සඳහා ද සිය රංගන දායකත්වය ලබාදුන් ඔහු, 42, Get on Up, Marshall සහ අභාවප්‍රාප්ත වීමෙන් පසුව නිකුත් වූ Ma Rainey's Black Bottom වැනි චිත්‍රපට හරහා ද සිය අතිවිශිෂ්ට රංගන කුසලතාවය ලොවටම පෙන්නුම් කළා. ඔහු අද අප අතර නොමැති වුවත්, T'Challa රජු ලෙස ඔහු තැබූ සුවිශේෂී සලකුණ සහ “Wakanda Forever” යන ජනප්‍රිය වැකිය සිනමා ඉතිහාසය තුළ සදාකාලිකවම රැඳී පවතිනු ඇති.