
MrBeast spends nearly $10 million to build self-sustaining village in Ghana
MrBeast කොකෝවා වගාබිම්වල සිදුවන නීති විරෝධී ළමා ශ්රමිකත්වය නැවතීමට ඇ.ඩො මිලියන 10 පිරිවැයකින් නිවාස, පාසැල්, රෝහල්, බලශක්ති පද්ධති සමඟින් සම්පූර්ණ ගම්මානයක් ඉදි කරයි.
කොකෝවා වගාබිම්වල සිදුවන නීති විරෝධී ළමා ශ්රමිකත්වය පිටුදැකීමේ අරමුණින්, ලොව ප්රකට YouTube තරුවක් වන MrBeast විසින් ඝානාවේ ඇ.ඩො මිලියන 10 කට ආසන්න මුදලක් වැය කරමින් ස්වයංපෝෂිත සම්පූර්ණ ගම්මානයක් ඉදිකර තිබෙනවා. Beast Philanthropy හරහා ක්රියාත්මක වූ මෙම සුවිශේෂී ව්යාපෘතිය මඟින් ළමුන් සිය ගණනක් වහල් ශ්රමයෙන් මුදාගෙන ඔවුන්ට නිවාස, අධ්යාපනය, පිරිසිදු පානීය ජලය, සෞඛ්ය පහසුකම් සහ ආර්ථික අවස්ථා ලබා දීමට සැලසුම් කර ඇත.
Abna Dakwa Village ලෙස නම් කර ඇති මෙම ගම්මානය ඉදිකිරීම සඳහා වසරක සැලසුම් කිරීමකින් අනතුරුව මාස 8 ක කාලයක් පුරා සේවකයින් සහ ස්වේච්ඡා සේවකයින් සිය ගණනක් සිය දායකත්වය ලබා දී තිබෙනවා. සිසුන් 300 කට අධික සංඛ්යාවකට ඉගෙනුම ලැබිය හැකි පාසලක්, ගුරුවරුන් සඳහා නොමිලේ ලබා දුන් නිවාස 10 ක්, වෛද්ය සායනයක්, ප්රජා වෙළෙඳපොළක්, සූර්ය බලශක්ති පද්ධතියක්, පානීය ජල ටැංකි 2 ක් මෙන්ම මත්ස්ය වගාව සහිත ගොවිපළක් ද මෙහි අන්තර්ගත වනවා.
මීට අමතරව ඉදිරි වසර 5 පුරාවට පාසල් පැමිණෙන සෑම දරුවෙකුටම නොමිලේ දෛනික ආහාර ලබා දීමට ද පියවර ගෙන ඇති අතර, ඒ හරහා දරුවන් වගාබිම්වල සේවයට යොමු වීම වළක්වා පාසල තුළ රඳවා ගැනීමට අපේක්ෂා කරනවා. ඝානාව සහ කෝට් ඩි අයිවෝර් (Côte d'Ivoire) යන රටවල ළමුන් මිලියන 1.5 කට අධික සංඛ්යාවක් මෙලෙස කොකෝවා වගාබිම්වල නීති විරෝධී ශ්රමයේ නිරත වන බව පෙන්වා දෙන MrBeast, තම Feastables චොකලට් සන්නාමය හරහා සදාචාරාත්මක අමුද්රව්ය ලබාගැනීම ප්රවර්ධනය කිරීමට ද මෙමඟින් බලාපොරොත්තු වන බව සඳහන් කර තිබෙනවා.
Discussion
No comments yet — start the conversation.